Nagaland sorkarin RIIN kalpui ngei a tum : Dy CM

Nagaland deputy chief minister Y Patton chuan chief minister Neiphiu Rio kaihhruai sorkar chuan Register of Indigenous Inhabitants of Nagaland (RIIN) chu a taka kalpui ngei a tum tih Assembly-ah a sawi.

Nagaland sorkar chuan kum 2019 khan Nagaland leilung fa dik takte chhinchhiahna tur, RIIN hi kalpui tum a nih thu sawiin, hei hi leilung fa ni lote hnena indigenous inhabitant certificate pek chhuah ṭhin venna atan a ṭul tih a sawi a ni.

Kum 2019, June 29-a sorkarin hriattirna a tihchhuahah, RIIN hmang hian state puitlinga hlankai an nih ni, kum 1963 December 1 hmalaka Nagaland-a lo awmnghet tawhte hriat theih an ni dawn tih a lo tarlang tawh a ni.

Eptu MLA Kuzholuzo Nienu zawhna a chhanaah Dy CM chuan hemi chungchang hi sawiin, RIIN hi hripui leng vang leh, civil society organisation hrang hrangte biakrawn an nih avangin kalpui hun pawh a khawtlai phah rih niin a sawi bawk. Mahse sorkar chuan an term chhung ngeiin a hmang dawn a ni, a ti.