AP CM-in Advance Landing Ground siam turin ngen

Arunachal Pradesh chief minister Pema Khandu chuan union civil aviation minister Jyotiraditya M Scindia hnenah an state-a Advance Landing Grounds siam turin a ngen.

AP CM hian Ningani khan Scindia hi hmuin, an state mamawhte a sawipui. CM hi Lok Sabha MP Tapir Gao, state civil aviation minister Nakap Naloh, MLA Rode Buj, chief secretary Naresh Kumar leh commissioner Prashant Lokhande-ten an ṭawiawm a, Holongi Airport siam meka hmasawn tawh dante pawh union minister hi a hrilh nghal a ni. Khandu chuan Holongi Airport hi kum 2022 aṭanga hman ṭan theih a nih tur thu a sawi.