TBSE-in board exam result ennawn dawn

Tripura Board of Secondary Education (TBSE)-in Secondary (Class 10) leh Higher Secondary (Class 12) examination result an tihchhuah chu zirlai fail tam takin lungawi lohna an lantir avangin sorkarin result hi ennawn leh turin a hriattir.

Education minister Ratan Lal Nath chuan board exam result tihchhuah takah zirlai tam tak chu an result-ah an lungawi lo tih sawiin, heng mite result hi ennawn a ni dawn tih a sawi a ni.

Board exam result tihchhuah a nih hnuah NSUI vice president Samrat Roy kaihhruaiin state chhung hmun hrang hrangah zirlaiten lungawi lohna an lantir a ni.

Minister chuan school thuneituten result-a lungawi lo zirlaite number hi education deparmtent hnenah thawnin, expert committee chuan result hi an lo siam tih a sawi. Mahse zirlai eng emaw zatin lungawi lohna an lantir avangin department hnenah result hi ennawn leh tura hriattir an ni, a ti. Board chuan school thuneitute biain, kar khat hnu velah result ennawnte hi tihfel hman beisei a ni, a ti.

Hetih lai hian TBSE lam chuan result tihchhuaha lungawi lote hi school examination-a mark 10 hmu pha lote an ni tih a sawi.