Covid-19 : Manipur-ah central team tir

Sorkar laipui chuan Manipur-a hri kai an pun zel avangin an dinhmun enpui turin multi-disciplinary team a tir.

Union health minister Mansukh Mandaviya chuan central team tirh an nih thu hi Nilaini khan a sawi a, state sorkarin hri leng khuahkhirhna kawnga a hmalak dante an enpui dawn a ni, a ti.

Kar liam ta chhung khan Manipur-a disrict pakua hri kai punna chu 10% aiin an sang vek a, kar li chhung chu district pahnihah hri kai hi an pung zual bawk.

Central team-ah hian senior regional director, RoHFW, Manipur, Dr L Ashananda; deputy director, NCDC, Dr Rameshwar, consultant microbiologist and nodal officer for Manipur Dr Smita Singhal-te an tel. Anni hian test neihna hmun te, contact tracing kalpui dante bakah surveillance, containment operation leh Covid-appropriate behaviour kalpui dante an enpui ang. Hospital-a khum awm dan te, ambulance a awm ṭha tawk em tih leh, hospital-a hri kai thi awm zatte an zirchiang dawn bawk a, vaccine pek chhuah kalpui dante an enpui bawk ang.

State sorkar chuan positivity rate sanna district pasarihah total curfew a puan chu Pathianni thleng a pawtsei leh a, district dang pakuaah erawh chuan khuahkhirhna a thlahdul tawh a, zan lam curfew erawh puan chhunzawm a la ni.