Meghalaya sorkarin sakhaw pawl hrang hrangte kawm

Meghalaya sorkar chuan hripui leng vanga sakhaw hmun hrang hrang kharte hawn a nih dan turah nimin khan sakhaw pawl hrang hrangte a kawm. 

Sorkar laipuiin Unlock-1 a kalpuinaah, June 8 aṭangin mall, hotel, restaurant leh sakhaw hmunte chu hawn ṭan turin a ti a ni. 

Chief minister Conrad K Sangma chuan sakhaw hmunte hawn dan tur chungchangah an ngaihdante sawi turin sakhaw hrang hrang leh kohhran pawl hrang hrang meeting an ko tih a sawi.  

State sorkar hian Nilaini khan shopping mall leh complex-te hawn a nih bakah, ramria sumdawnna chhunzawm leh turin a lo rel tawh bawk a ni.