Tripura : Tribal party pahnih inchhunfin

Tripura-a tribal party pahnih, National Conference of Twipra (NCT) chuan kar liam ta Inrinni khan tribal based party upa ber, Indigenous Nationalist Front of Twipra (INPT) nen an inchhunfin.

NCT hi MLA hlui, Animesh Deb­barma'n a ho a ni. Kum 2007 khan INPT aṭanga chhuakin NCT hi a din a ni. Mahse INPT nena inchhunfin leh dan ngaihtuah hian hun eng emaw chen inbiakna an neih hnuah, Inrinni khan an party pahnihte hi an inchhunfin leh ta a ni. 

Party pahnih inchhunfinte hi INPT (United) tih a ni ang.  INPT general secretary Jagadish Debbarma chuan National Conference of Twipra hruaitute chu party-ah hian chanvo pawimawh tak pek vek an ni dawn tih sawiin, party state committee pawh din thar a ni ang, a ti. 

Tripura-ah hian thla tharah autonomous district council inthlan neih a ni dawn a, party pahnihte inchhunfin vang hian inthlanah INPT(U) hi a chet phah rin a ni. Hemi hma hian tribal based party pahnih, TSP leh IPFT-Tripraha pawhin inthlanah hian thawkdun turin inremna an lo siam tawh bawk.