AP CM-in national curriculum-ah hmarchhak state telh turin ngen

Arunachal Pradesh chief minister Pema Khandu chuan India ram mipuiten hmarchhak bial chanchinte chiang zawka an hriat theihna turin, Development of North Eastern Region (DoNER) ministry hnenah national curriculum-ah hmarchhak state-te chu telh turin a ngen.

Kar liam taa DoNER, Culture and tourism minister G Kishan Reddy a kawm ṭumin, AP CM chuan hemi chungchang hi a sawipui a ni. Union minister hnenah hian border village-a infrastructure tichangtlung tur leh, border area tana develop­ment scheme-te siam turin a ngen bawk.

Chief Minister hian Sports and Youth Affairs minister Anurag Thakur leh Housing and Urban Affairs and Petroleum minister Hardeep Singh Puri-te pawh a hmu bawk a, an state mamawh leh hmalakna tur pawimawh hrang hrangte a sawipui a, minister-te pawh hian an theih anga lo puih an intiam a ni.