Tripura CM thah tuma puh mi 3 man

Tripura police-te chuan kar liam ta khan chief minister Biplab Kumar Deb thah tuma puhin mi pathum an man.

Heng mi pathumte hi Ningani khan CM evening walk chu car-in chak taka umin an tlanpel a, CM hi kawng sir lamah a lo insaseng hman a, a security zinga pakhat erawh chuan hliam na vak lo a tuar thung. Security te hian car dan an tum a, mahse an dang thei lo niin police-te chuan an sawi.

Hemi ni tlai lamah vekin heng mi pathumte leh an motor hi Kerchowmuhani ah man an ni. Motor khalh chak avangin thubuai siamsak an nih bakah, midang tihnat tum leh CM thah tuma puhna thubuai pawh siamsak an ni bawk.