Nagaland MLA-in state ramriah BSF dah duh

Nagaland MLA Moatoshi Longkumer chuan Assam-Nagaland border a duty, Central Reserve Police Force (CRPF) chu Border Security Force (BSF) a thlak a duh thu a sawi.

MLA chuan, " CRPF hi neutral force an ni a, mahse Assam Addl IGP leh Assam sorkar thupekna hnuaiah an thawk a, hei vang hian BSF 8th Mountain Range ten an thlak thuai tur a ni," a ti.

Assam nena ramri buaina an neih mekna chu Naga ram ngei a ni tiin, "British rorelna hnuaia awm lai khan Assam ramah an beh tir a, hei hi Nagaland hnenah an pe leh thuai tur a ni. Nagaland sorkar pawhin kum 1972-a Assam nena inremna lailawk an lo ziah kha a cancel tur a ni. Assam sorkar nena sawiho a nih hmain, Naga ram chin kha kan la let vek tur a ni," a ti.

Assam chief minister atana Himanta Biswa Sarma dah a nih hnuah Assam leh a ṭhenawm state ramri buaina chu a zual chho tia sawiin, Nagaland sorkar pawhin na takin a chhanlet ve a ngai tawh tih a sawi.