Manipur-in infiam mi leh artist-te pualin scheme a siam
Manipur chief minister N Biren Singh chuan an state chhunga infiammi leh artist-te puala sorkarin scheme a siam chu Pathiannia BJP kaihhruai sorkar din champha kum thumna lawmnaah a puang.
CM chuan Manipur state sorkarin Chief Minister Akhannaba Sanaroising gi Tengbang (CMAST) leh Chief Minister Artist Sing gi Tengbang (CMAT) scheme a siam chu Manipur state leh India ram tihmingṭhatu infiammi leh artist-te tam takin an chhawr ṭangkai dawn hle a ni, a ti.
CMAST scheme hnuaiah hian infiammi, International Sports event-a medal late chu sorkar hna, an thawh tur mil pek an ni ang. Hei bakah hian he scheme hmang hian infiam mi te chu infiamna hmanrua an mamawhte leina sum pek an ni bawk ang. Olympics-a tel phate tan category hrang hrangah lawmman, cheng vaibelche khat, nuai 75, nuai 50 leh nuai 10 te siam a ni bawk. Infiam mi, national leh international tournament-a tel, hna thawh nei lote chu an
damchhung atan pension pek an ni dawn bawk a ni.
CMAT scheme hnuaiah hian field hrang hrang hnuaia artist chawi larna tur ruahmanna siam a ni bawk. CM chuan, artist kum 60 chung lam zinga thlanchhuah bikte chu pension pek ṭhin an ni ang, a ti. Hei bakah hian arts and culture hnuaiah cultural group leh institute-te chu training te pein, puih an ni ṭhin bawk ang. Manipur sorkar hnuaia dance and music institute-a zirlaite chu sorkarin ṭanpuina sum a pe ṭhin dawn bawk.