Manipur-a buh chingtuten tiam chin awm loin nawrh huaihawt

Manipur-a Bihsnupur district-a buh chingtute chuan an leileta hman tur leiṭha (fertilizer) pe tura sorkar phutin tiam chin awm loin nawrh an huaihawt mek a, nimin khan nawrh an huaihawt aṭanga a ni thumna a ni.

Nawrh huaihawtte chuan leiṭha hi a tlai hma ngeia sem turin an phut tih an sawi. Agriculture minister Oinam Lukhoi-a'n leichi stock an ngah tawk nia a sawi lai a, tun thlenga a mamawhtute hnena semchhuah a la nih loh chhan an zawt bawk.

Buh chinna hmun, ram hectare 21,000-a zauah urea bag 63,000 tal an mamawh laiin, agriculture officer hian February-July chhung khan bag 10,000 chiah a sem niin an sawi. Zanlai thlengin office-ah leiṭha dil hian an intlar thu an sawi.

District officer-te chuan nimin aṭang khan leiṭha hi semchhuah leh a ni dawn tih an sawi a, mahse loneitute chuan an mamawh ang zat pek an nih dawn loh chuan an pawm thei dawn lo tih an sawi thung.