AP handloom leh handicraft-te chawilar turin Dy CM-in ngen

Arunachal Pradesh deputy chief minister Chowna Mein chuan State Rural Livelihood Mission (ArSRLM) chu agriculture leh a kaihhnawih thil bakah state chhunga handloom leh handicraft chawilar chu ngai pawimawh tel turin a ngen.

ArSRLM hi autonomous society niin, Arunachal Pradesh sorkarah Society Registration Act of 1860 hnuaia register a ni. AP-a National Rural Livelihood Mission/Aajeevika Grameen Express Yojana kalpuinaah nodal agency a ni bawk. A tum ber chu state chhunga retheihna umbo a nih theihna turin, chhungtinte mahni intodelh theihna tur kawng kawhhmuh a, thiam thil bik neite tana hna thawh tur remchang siamsakte a ni.

Deputy CM chuan state sorkar chuan distrtict tinah an state culture hausakna pholanna turin handloom emporium din vek a tum tih a sawi bawk.