Sikkim tourism infrastructure tihchangtlunna tur Sum pechhuak turin sorkar laipui ngen

Sikkim chief minister PS Golay chuan sorkar laipui hnenah an state-a tourism infrastructure tihchangtlunna turin Product Infrastructure Development for Destinations and Circuits (PIDDC) scheme hnuaia fund la pek chhuah kim loh chu pe chhuak thuai turin a ngen.

PIDDC hi kum 2014-2015-a Swadesh Darshan Schemes tlangzarh a nih hmaa union ministry of tourism-in tourism infrastructure development scheme a siam a ni.

Union minister of tourism, culture and Development of North Eastern Region (DoNER) G Kishan Reddy a kawmnaah CM Golay chuan fund hi pe turin a ngen a, "He scheme chhunzawm a nih loh avang hian state chunga project thawh mek 51-te chu thawh chhunzawm theih lohin an awm a ni," a ti.