Nagaland-in Van Dhan Vikas Yojana award 7 la

Nagaland sorkar chuan Van Dhan Vikas Yojana (VDVY) leh Minimum Support Price (MSP) scheme kalpui ṭhat avangin caterogy hrang hrangah national award pasarih a la.

VDVY leh MSP for Minor Forest Produce (MFP) scheme hmang hian tualchhunga thil tharchhuahte chu processing, packaging, branding leh marketing kaltlangin loneitute tana entrepreneurship programme kalpui a ni.

Nagaland hian category pathumah lawmman pakhatna a ni a, chungte chu Best Survey, Best Training leh Van Dhan Vikas Clusters (VDVKCs) din tam ber lawmman a ni. Hei bakah hian Best Sales Generated leh Innovation and Creativity category-ah pathumna lawmman a la a, innovative & creative product idea-ah award dang pahnih a la bawk a ni.

VDVY scheme hnuaiah Nagaland hian cluster 206 siamin self-help group 2,805 an tel a, hei hi state pumah mi 61,800-ten an chhawr tih an sawi.

Award dawng turte hi union tribal affairs minister Arjun Munda chuan virtual hmangin a puang a ni.