Meghalaya-ah Enforcement Directorate office din

Enforcement Directorate (ED) chuan Meghalaya state-ah an office hmasa ber tur dinin, vawiin aṭangin hna pawh an thawk thei nghal dawn tih an sawi.

ED sub-zonal office thar hi Shillong-ah dah a ni a; Guwahati, Assam-a zonal office-II hnuaiah a awm ang. Deputy director rank officer-in a ho dawn a ni.

Thuchhuah an siamah, ED chuan hmarchhak state dang khawpuia sub-zonal office hi din an tum tih an sawi. ED hi Union Finance Ministry hnuaia awm niin, anti-money laundering law, Prevention of Money Laundering Act (PMLA) bakah Foreign Exchange Management Act (FEMA)-a civil section leh Fugitive Economic Offenders Act-te an khawih a ni.