Assam sorkarin kawtthler leh sports complex Lovlina Borgohain hming a puttir dawn

Assam sorkar chuan sport complex leh Guwahati-a kawtthler chu an state aṭanga Olympic medallist hmasa ber, Lovlina Borgohain hming chu a puttir dawn.

Chief minister Himanta Biswa Sarma chuan Ningania Srimatna Sankaradeva Kalakshetra-a Lovlina lawmna inkhawm buatsaihah he thu hi a puang a ni.

Lovilina hming an chawitir tur hi Guwahati khawpuia kawtthler pakhat leh, Golagat district-a Sarpathar assembly constituency-a sports complex din thar tur a ni. Lovlina hi Sarupathar constituency mi a ni. He sports complex hi cheng vaibelchhe 25 senga siam tur a ni.

CM Sarma chuan bronze medal latu, kum 23 mi Lovina hi state sorkarin lawmpuina pawisa faiin cheng vaibelchhe khat a pe dawn tih a sawi a, hei bakah hian Assam Police-a DSP post pek a ni dawn a, 2024 Paris Olympics neih tura a inbuatsaihna atan thla tin Rs nuai khat leh, a coach pangate chu cheng nuai 10 ṭheuh pek an nih tur thu a sawi bawk.