Meghalaya Governor in India - Bangla Friendship Gate hawng
Meghalaya Governor Ganaga Prasad chuan Thawhlehni khan India leh Bangladesh inrinaah 'Friendship Gate' a hawng.
Friendship Gate hi Dawki-a Intergrated Check post bula siam a ni a, Dawki hi Bangladesh border-a awm niin Meghalaya khawpui, Shillong chhim lam km 90 vela hlaah a awm thung.
Gate hawnna inkhawm buatsaihah hian Ganga Prasad chuan henglai area-a tourism promote-na tura a theihtawp a chhuah tur thu a sawi. He hunah hian Bangladesh Border Guard Additional Director Zahid Hasan pawh telin Governor nen pawh hian inkawmna hun ṭha tak an hmang nghe nghe a, Hasan hian gate hawnna inkhawma tel zawng zawng te hi sweet a sem bawk a ni.
BSF Meghalaya Frontier IG P K Dubey chuan ram chhung hmun hrang hrang leh khawvel hmun hrang hrang ami ten BSF leh BGB (Border Guard Bangladesh)-ten ICP Dawki-a joint retreat ceremony an nei lai an hmuh theih hun tur a thleng thuai dawn niin a sawi.
Dubey hian Governor hnenah hian ramri a inenkawl dan leh ramri venhimna kalpui a nih dan te pawh a hrilh nghal a, hmanrua leh bungrua an neih dan te pawh a hrilh nghal bawk.
Governor hian Thawhlehni vek khan Umsyiem-a BSF Outpost thar a hawng nghal bawk.
India leh Bangladesh sipai-te hian nikum khan vawi hnih lai joint training an lo nei tawh a, ram pahnihte inkarah hian boruak ṭha tak a awm chhoh zel theih nan joint training hi buatsaih ṭhin a ni.