Hel pawl-a tel ṭhinte tiduhdah lo turin hriattir : Manipur CM

Manipur Chief Minister N. Biren Singh, Home portfolio changtu ni bawk chuan Thawhlehni khan police leh paramilitary force-te chu hel pawla tel ṭhin bansan ta te tiduhdah zui lo tura hriattir an nih thu a sawi.

Assembly House-a Congress MLA zawhna chhangin Chief Minister chuan hel pawla tel

ṭhin, an thiltihte bansana sorkarin nena inremna lo siam tawhte chu tihduhzui an ni ṭhin tia puhna a awm fo thu a sawi. Hel pawla tel ṭhin tel, bansa tawhte chu dan leh thupek kengkawhtu secutiry force-ten an tihduhdah zui ṭhin tih report a awm leh chuan a titu chungah chuan na taka action lak ngei a nih tur thu a sawi.

State chhunga suah­sualna thleng chungchang report tam tak awm chu sorkar chuan a theih ang tawkin action a la ṭhin tih a sawi a, hmeichhe tana fast-track court siam a nih hnuah ringawt pawh mi 11 hrem an nih tawh thu a sawi bawk.

Biren Singh chuan Anti-Corruption cell din a nih hnuah pawh mi 16 hrem an nih tawh thu a sawi.

Singh chuan helpawl paruk, an hmalakna titawp tura inremna an siampui tawh ten Thawhṭannia darkar 42 strike an nei kha chu mak a tih takzet thu a sawi bawk a, strike chu chawhnu lamah chuan call off a nih thu sawiin budget se­ssion zawh velah inbiak­na neihpui nghal an nih tur thu a sawi bawk. Chief Minister chuan heng hel pawl hruaitute chu a hmuh dawn thu a sawi a ni.

Ni rei lote liamtaa police-ten Raj Bhavan bula bomb pali lai a puah thu an report chungchang sawiin, Chief Minister chuan khawpui chhung hmun pawimawh zawng zawngah chuan CCTV dah a nih vek dawn thu a sawi.