AP-in hydroelectric power project siamna turin MoU ziak

Arunachal Pradesh sorkar chuan West Kameng leh Tawang district-a hydroelectric power siamna turin North Eastern Electric Power Corporation Limited (NEEPCO) chu memorandum of understanding (MoU) a ziahpui.

MoU hi state commis­sioner (power) Prashant S Lokhande leh NEEPCO chief managing director VK Singh-ten chief minister Pema Khandu awm laiin an ziak an ni.

West Kameng district-ah hian 220 MW Nafra leh Tawang district-ah 90 MW New Meling hydro-electric power (HEP) project siam a ni ang.

Chief Minister chuan state chhunga hyrdo project 10 chuang, a vaia MW 7800 vel pe chhuak thei tur NEEPCO hnena pek turin tihfel tum mek a ni tih a sawi bawk. Kum 2015-a MoU an lo ziah tawh, MW 330 pe chhuak thei tur Kurung HEP pawh kalpui thuai turin NEEPCO CMD a ngen bawk. He project thawh a nih theihna turin tualchhunga harsatna awmte chinfel pui turin state sorkar chu a inhuam reng tih a sawi.