Eastern Army Commander-in Nagaland tlawh

Eastern Army Com­mander Lt Gen Abhay Krishna chuan Nilaini leh Ningani khan Nagaland tlawhin, state chhunga venhimna khauh taka kalpui a nih tur thu a sawi tih Defence thupuangtu chuan a sawi.

General Officer Commanding-in-Chief, Eastern Command, Lt Gen Krishna hian Nagaland khawipui, Kohima-ah Ningani khan senior civil administration-te kawmna hun a nei bawk.

Army hotu chuan Naga­land chhungah venhim­na khauh taka kalpui a nih dawn thu sawiin, Army lam pawh an theihtawpa an inbuatsaih thu a sawi a, venhimna ṭha tak hnuaiah Nagaland chuan inthlanna a neih dawn thu a sawi.

Nagaland hian Feb­ruary 27-ah seat 60 awm­na Assembly inthlan an nei dawn a, March 3-ah result puan a ni ang.

Krishna hi Lt Gen Gopal R, General Officer Commanding Spear Corps-in a ṭawiawm a ni.