Arunachal-ah ULFA-I mi pali man

Assam Rifles-te chuan Inrinni khan thuchhuah siamin, United Liberation Front of Asom (Independent) mi pali chu Arunachal Pradesh-a Changlang district-a an man thu an sawi.

An thuchhuaha an tar­lan danin, an thudawn bawhzuiin Zirtawpni zana Malugaon Area-a beihpui an thlak naah heng ULFA-I mi pali te hi an man a, an kut aṭang hian .22 pistol pakhat an man bawk a ni.

Assam Rilfes-te chuan an mi man te hi over ground worker an nih thu an sawi a, Dimapur aṭangin Sadiya leh Kakopathar-ah te ralthuam an supply ṭhin tih an inpuan tawh thu sawiin pawikhawihna hrang hrang bakah smuggling leh inrawknaah te pawh inhnamhnawihna an neih thu an sawi bawk.

Margherita police station-ah hlan an ni tawh a, an lakah hian FIR pawh thehluh nih tawh thu an sawi bawk a ni.