Sikkim CM-in Limboos leh Tamangs tan quota dil

Sikkim Chief Minister chuan Inrinni khan Prime Minister Narendra Modi leh Union Home Minister Rajnath Singh chu New Delhi-ah hmuin, Limboo leh Tamang hnam tan Assembly-ah seat reservation siamsak turin a ngensak.

Limboo leh Tamang commu­nity-te hi Sikkim mipui zawng zawng zinga 33% an ni phak a, kum 10 chuang seat reserve sak tur hian thu awm tawh mah se tun thleng hian tihhlawhtlin a la ni lo a ni.

Sikkim Democratic Front hotu Chamling hian assembly inthlan vawihnih lai Limboo leh Tamang community-te seat reserve pek hi a a lo tiam tawh a, tun thleng hian a hlawhtlinna hmel hmuh a la ni lo.

Chief Minister chuan prime minister leh home minister hnenah 17th Gyalwa Karmapa, Ogyen Thrinley Dorje chu Sikkim a tlawh phalsak turin a ngen nghal bawk.

17th Gyalwa Karmapa hi Tibetan Buddhism school, kum 900-a upa karma Kagyu Lineage hotu lu ber a ni a, sorlar laipui lam hian China nena nen an inkar boruak tibuai thei thil nia a lan avangin Sikkim a tlawh hi an phal lo a ni.

PM leh Home Minister pawhin Chamling-a ngenna chu a zahawm thu an sawi a, an theihtawp an chhuahpui tur thu an sawi bawk.