Guwahati-ah botanical garden siam dawn

Assam chief minister Himanta Biswa Sarma chuan Thawhṭanni khan cheng vaibelchhe 38.51 senga Guwahati-a botanical garden siamna tur lungphum a phum a, Rudraksh thing ṭiak a phun nghal a ni.

Botanical garden hi Brahmaputra lui bul, Fancy Bazar area-a Old Jail compound-ah siam a ni dawn. Bigha 56 chuanga zauah siam ani dawn a, facility pawimawh dangte pawh dah tel a ni dawn tih Chief Minister's Office chuan a sawi.

He hmun hi khawpui chhunga chengte hahchawlhna leh boruak ṭha an hmuh theihna tur a nih thu sawiin, conservationists leh environmentalist-ten an zirchian duh tur chi thing chi hrang hrang pawh phun tum a ni.