Assam-in khuahkhirhna a thlahdul ṭan

Assam sorkar chuan Covid-19 hri leng vanga khuahkhirhna a siamte chu nimin khan thlah dulin, district inkalpawh khapna a siam pawh Kamrup (Metro) huam tel loin a titawp. State puma zan lam curfew puan pawh zan dar 7-ah a sawn tlai bawk.

Sorkar chuan thuchhuah siamin, inter-district-a private motor leh mimal inkalpawh khapna chu Kamrup (Metro) district tih loh hmun dangah pawh tihtawp a ni tih sawiin, public transport erawh khap chhunzawm a la ni tih a sawi.

Zan lam curfew puan pawh zan dar 7 aṭanga neih ṭan ni tawhin, a tuk zing dar 5 thleng a huam ang. Zan dar 6 thleng hnathawhna, sumdawna leh dawr hrang hrang pawh hawn phalsak an ni tawh dawn a ni.

Engineering leh Medical College, GNM, nursing course leh Aeronautical Engineering College pawh zirlai, vaccine la kim tawh a ni tawh dawn. Mipui punkhawm pawh vaccine la kim tawh chin chuan mi 200 chin emaw, meeting buatsaihna hall-a leng thei 50% chin emaw phal a ni dawn bawk. Sakhaw hmun hrang hrangte pawh hawn phal niin, darkar khatah vaccine la kim mi 20 chin zel awm phal a ni. Cinema leh theatre-te erawh khar chhunzawm an la ni ang.