Meghalaya : EC-in BJP insawifiah turin a ti

Election Commission chuan Bharatiya Janata Party (BJP) chu Congress minister-te hming ziak langa 'chargesheet', booklet anga siama eiruk­na leh sex racket case chungchang an ziahna an thehdarh avanga insawifiah turin a ti.

He chargesheet tar­lanna lehkhabute hi Union Tourism Minis­ter K J Alphons chuan February 8 khan Shi­llong-ah a tlangzarh a, booklet hmingah hian '15 years of loot, 15 years of destruction' tih an hmang nghe nghe a ni. Congress chuan Election office-ah hemi avang hian complaint an thehlut a ni.

Congress complaint thehluh hi bawhzuiin Election Commission chuan BJP chu insawifiah turin a ti a, Representation of People s Act bawh­chhiaa puhna pawh insawi­fiah tura hriattir nghal­in chargesheet an theh­darh chhan pawh sawi­fiah turin an hriattir bawk.

Pathianni tlat dar 5 thleng khan insawifiahna hun an pe a, BJP hian insawifiahna pawh an thehlut tawh nghe nghe a, hetih lai hian an insawifiah dan erawh puanzar a la ni lo thung.

Chief Electoral Officer F R Kharkongor chuan booklet hi printer detail, publisher hming leh thil pawimawh tel lo in BJP hian an tlangzarh thu a sawi a, Election Commission guideline-ah chuan hetiang booklet tlangzarh dawn hi chuan heng thil pawimawh hi ziak lang tura tih an ni bawk tih a sawi.