Assam-in Journalist damlo te ṭanpui dawn

Assam sorkar chuan Inrinni khan Journalist damlo 39-te leh an chhungte ṭanpuina tur one-time financial grant Rs 10,72,343 pekchhuah a remtih thu a tarlang a, Journalists Medical Welfare Scheme hnuaiah he ṭanpuina pek hi kalpui a nih thu an sawi bawk.

One-Time financial grant hi Journalist Medical Welfare Scheme selection committee, Additional Chief Secre­tary of Infor­mation and Public Re­lations De­partment (IPRD) AK Singh kaihhruaina hnuaiah pawm a nih thu an thuchhuahah chuan an tarlang.

Meeting chuan docu­ment pawimawh te leh profoma-te uluk taka endik a nih hnuah he scheme hnuaia pawisa dawng turte hi thlan an ni chauh tih official-te chuan an sawi.

Kum 2012-a he scheme kalpui a nih aṭang khan journalist 157 hnenah Rs 69,81,343 pek a ni tawh a ni.