NDPP in agenda nei lo : Nagaland CM

Nagaland Chief Minister TR Zeliang chuan Thawhlehni khan party thar Nationalist Democratic Progressive Party (NDPP) chu agenda nei loa politics buaipui an nih thu a sawi.

Zeliang chuan NDPP chief ministerial candidate Neiphoiu Rio pawh beiin NDPP manifesto chu TR Zeliang a nih thu leh, an party hotu Rio chuan a chanchin bak sawi tur a hre lo niin a sawi a, a campaign-naah pawh a chanchin bak thil dang sawi a neih loh thu a sawi bawk.

CM hian Mon district hnuaia Mon, Longwa leh Aboi-a election rally neihnaah thu sawiin, NDPP leh Bharatiya Janata Party (BJP) ṭang­rual chu thingtlang khaw hriat ngai loh, khaw­vel pum huapa hriat chhinchhiahna nei leh rampum hriat hming pu lehlawi si an nih thu a sawi a, Naga mipuite chu an ngaihthah hle niin a sawi bawk.

Zeliang chuan Rio chu kum 11 a chief minister chhung khan Pangsha-a Longwa chu International Trade Centre-ah a puang ve ringawt nia sawiin, a kalpawhna kawng mumal a awm leh si loh thu a sawi a, lui tui awm lohnaa Mon District mipuite sangha man tura tirh nen a inan reng thu a sawi.

CM Zeliang chuan Rio chu a term laiin sorkarin leiba, cheng vaibelchhe 1, 234-a neih thu a sawi bawk a ni.

Seat 60 awmna Na­galand Assembly inthlan hi February 27 hian an nei dawn a, March 3-ah result puan a ni ang.