Union Minister-in Nagaland tlawh

Union minister of state for external affairs and education, Dr Rajkumar Ranjan Singh chu ni hnih cham turin Thawhlehni khan Nagaland-ah a zin.

Thawhlehni khan minister hian Kohima-ah press conference nei nghalin, Covid-19 hri leng dinhmun a ziaawm chhoh hunah leh, Myanmar ram boruak a ṭhat chhoh hunah 'Act East policy' chu kalpui a ni dawn a ni, a ti.

Prime minister Narendra Modi chuan hmarchhak bial chu a vei hle tih sawiin Minister chuan , hmarchhak bial tihmasawnna a nih loh chuan ram hmasawnna a thleng thei dawn lo tih a sawi. A zin chhan ber chu hmasawnna hna kalpui chungchanga tualchhung mipuite ngaihdante hriat a duh vang tih a sawi.

Bhutan, Bangladesh leh Myanmar-ten an hual avangin hmarchhak mipuite pawh an fimkhur reng a ṭul thu a sawi. Hemi rual hian hmasawnna hna thawh hrang hrangte an hlawkpui leh an chhawr theihna turin mipuite chuan an inzir a, anmahni pawh an inthuam chak a ngai a ni, a ti. GDP growth rate in hma a sawn zel theihna turin ram dangte nena thawhhona tur Memorandum of Understanding (MoU) pawh an ziah theih a beisei thu a sawi bawk.