Kum 12 chunglam tan Moderna Covid-19 vaccine lak phal sak

Britain medical agency chuan Moderna coronavirus vaccine chu naupang kum 12 leh a chunglam tan lak phalna an pe.

UK-ah hian Pfizer vaccine hnuah, Moderna vaccine kum 12-17 inkar tana Covid vaccine pawmpuina an pekchhuah pahnihna tur a ni.

Medicines and Healthcare Products Regulatory Agency chuan Thawhlehni khan naupang, kum 12 chin hnena Moderna vaccine semchhuah duh leh duh loh chu sorkar vaccination adviser kutah a awm tur thu a sawi.

UK hian hlawhtling takin puitling tan vaccine an lo semchhuak tawh a, mahse naupang lam tana pek chhuah tur erawh a la fimkhur hle. Tun kar khan official-te chuan England-a cheng kum 16-17 te chu August 23 aṭanga vaccine dose khatna an lak theih nan hun remchang an siamsak dawn tih a sawi.

Naupang kum 12-15 inkar, hri leng tuar na thei dinhmuna dingte chu Pfizer vaccine pek phalsak an ni.