Assam-ah medical post ruak hnem
Assam Health Minister Himanta Biswa Sarma chuan Thawhlehni khan Assam-ah medical post ruak a tam thu sawiin doctor post sanction 2199-ah post 809 hnawhkhah loh a awm thu a sawi a, medical college-ah pawh post 1751-ah 324 hnawhkhah loh a awm thu a sawi.
Sarma chuan Guwahati Medial College-ah doctor post sanction 540 zinga 69 chu hnawhkhah loh a nih thu a sawi a, nurse post 28 a ruak tih a sawi bawk.
Tezpur Meidical College-ah post doctor post 269 zinga post kua a ruah thu sawiin nurse post 423-ah post kua a ruah thu a sawi.
Assam Medical College-ah pawh nurse post 83 awm zingah post panga a ruak a, Silchar Medical College-ah doctor post 207-ah post 40 ruakin, nurse post 207-ah post 116 a ruak bawk. Hetih lai hian Fakruddin Ali Ahmed Medical College, Barpeta-ah pawh doctor post 489 awm zinga post 35 chu ruakin nurse post 375 zinga 30 a ruak bawk tih a sawi.
Guwahti-a Regional Dental College-ah pawh Professor, Reader, Lecturer post nga ṭheuh a ruak tih sawiin nurse leh tutor post pakhat ve ve a ruak tih a sawi bawk a ni.