EC in Meghalaya-ah inthlan kaihhnawih advertisement chhuah khap

Election Commission chuan Nilaini khan February 27-a Meghalaya inthlan neih turah, inthlan hma darkar 24 chhung leh inthlan neih niin inthlan kaihhnawih Advertisement chan­chinbu-a chhuah a khap thu thuchhuah a siam.

Hetiang thuchhuah EC in a siam chhan hi Congress in Thawhlehni-a BJP laka complaint an thehluh vang a ni. BJP hian local newspaper-ah Mukul Sangma chungchang dik lo takin advertisemnt angin an chhuah nia sawiin EC hnenah hian complaint an thehlut a ni.

Election Commission Secretary Ajoy Kumar chuan political party leh candidate an ni emaw, organisation an ni emaw pawh nise February 26 leh 27-ah inthlan kaihhnawh advertisement reng reng print media-ah chhuah khap a nih thu a sawi.

An thuchhuah hi poli­tical party president tin hnenah leh chanchinbu enkawltu zawng zawng hnenah an thawn vek tawh thu a sawi bawk.