Manipur : King Kangba Memorial Heritage site-ah siam dawn

Manipur Art and Cul­ture Minister L. Ja­yan­takumar Singh chuan Kangmong-a King Kangba Memorial site chu State Heritage site-a an siam dawn thu a sawi.

Kar kalta Ningani khan miniterial team-te chuan Imphal West Konthoujam Constituency hnuaia awm Nambol-a Kangmiong chu tlawhin helai hmuna King Kangma-an hun a hmanna hnuhnung ni ngeia rin hmun an tlawh a, Jayantakumar chuan helai hmun hi State Heritage site-a sorkar in a siam dawn thu a sawi a, khualzin mite hipna tura buatsaih a nih tur thu a sawi bawk.

Minister chuan King Kangba chu a lal laia lal lar tak a nih thu leh, Kangleipak state-ah phei chuan hma nasa taka a lak thu a sawi a, Polo Game, tun thlenga khawvel hmun hrang hranga an khelh ṭhin chu a hmuhchhuah a nih thu sawiin Kangmong hmun chu Polo (Sagol Kangjei) game khelhna hmun hmasa ber nia rin a nih thu a sawi bawk. He infiamna hi King Kangba hunlai 1405-1359 B.C vela khelh a nih tawh thu a sawi a ni.