Assam, Sikkim leh Arunachal-ah Ayurvedic Healthcare Centre 20 din tawh

Union Minister Sripad Naik chuan Zirtawpni khan tunhnaiah Assam, Sikkim leh Arunachal Pradesh-ah Ayurvedic Healthcare Centre 20 vel an din tawh thu a sawi.

Union Minister of State for AYUSH Sripad Naik chuan Central Council for Research in Ayurvedic Sciences (CCRAS) in a buatsaih national workshop, Guwahati-ah thu sawiin CCRAS in tunhnaiah Ayurvedic Health Centre 20 vel bawr Assam, Sikkim leh Arunachal Pradesh-ah hawn a nih tawh thu a sawi a, heng health centre-te hi hmarchhak hmun kilkhawr tak takah hawn a nih thu a sawi bawk.

Cheng vaibelchhe 1.5 sanction-a sak tur Guwahati-a In Patient Department service pawh sak a nih thuai tur thu a sawi bawk. Minister chuan CCRAS in Ministry of AYUSH hnuaiah 1971 aṭang daih tawh khan hmarchhakah research leh development activity an neih tawh thu a sawi bawk a ni.

Naik chuan India in damdawi bik hmanlai aṭang tawha an siamchhuah tawh thu sawiin khawvel huap pawha helam kawnga dinhmun sang taka a din thu a sawi bawk.

Sripad Naik hian Guwahati-a Regional Ayurveda Research Institute for Gastro Intestinal Disorder building thar hawnna hun hmang nghalin loneimi te pawh damdawi siamchhuahna lam chi thlai ching uar turin a chah a ni.