AR-in dan loa bungraw lakluh Rs vbc 1,600 hu an man tawh

Assam Rifles chuan kum 2029 aṭang khan Myanmar ram aṭanga hmarchhak bialah dan loa bungraw lakluh, cheng vaibelchhe 1,600 hu an man tawh tih an sawi.

Assam Rifles Director General Lt Gen Pradeep Chandran Nair chuan hmarchhak biala dan loa bungrua lakluh leh ruihhlo tawlhluhte vengin Assam Rifles chuan central leh state agency-te theihtawp an chhuah thu a sawi. "Kum 2020 khan dan loa bungrua lut, cheng vaibelchhe 857 hu man a ni a, kuminah cheng vaibelchhe 746 hu man a ni tawh bawk," a ti. Hmarchhak bial kaltlangin dan loa bungraw lut a awm reng thu sawiin, Lt Gen Nair chuan hei hi ram hmasawnna leh India Act East Policy tan pawha thil pawi tak a nih thu a sawi.