Khualzinte hip nan Ujjayanta Palace-a Durbar Hall chei ṭha dawn

Tripura tourism de­part­ment chuan Tripura lalte hmunhma chawilarna tur leh, ramchhung leh ram pawn lam aṭanga khualzin hip luhna atan Ujjayanta Palace-a Durbar Hall chu a chei ṭha dawn.

Official chuan Maharaja Bir Bikram lal in, kum 120-a upa Ujjayanta Palace-a Durbar Hall hi Government College of Art and Craft zirlaite leh, state pawn lama mithiamte nen chei ṭhat a ni dawn tih a sawi.

Durbar Hall hi chei ṭhat a nih hunah chuan Tripura hnam zia leh rohlu lantirna hmun pawimawh tak a ni dawn tih a sawi. Hna thawh dan tur enpui turin tourism department chuan high level meeting-ah committee pawh a din tawh a, Durbal Hall chei ṭhat hna thawhna tur hian clearance pawh pek a ni tawh bawk.

Ujjayanta Palace hi kum 1899-1901 chhunga Tripura lal, Maharaja Radha Kishore Manikya-a'n a sak a ni, Ujjayanta Palace tih Rabindranath Tagore-a'n a phuah a ni. Tunah chuan he lal in hi state museum atan hman a ni tawh.