Tripura Congress hotu a bang

Tripura Congress leader Pijush Kanti Biswas chuan party state unit atanga ban thu leh, politics a chawlhsan thu Inrinni khan a twitter-ah a tarlang.

Biswas chuan TPCC President (acting) a nih chhunga an thlawpna leh thawhpuina avangin Congress hruaitute chungah a lawm hle tih a sawi. Sonia Gandhi chungah lawmthu a sawi bawk.

A hma lawkin Congress hruaitu hlui Sushmita Dev chuan party chhuahsana West Bengal-a rorellai, Trinamool Congress a zawm avangin Biswas pawh hi TMC ah a lut ve dawn nia sawi thawm a awm nghal a ni. Mahse party dang zawm tumna a neih loh thu sawiin, "State chhunga party president ka nihna atangin ka bang a, Congress party ka chhuahsan lo. Party dang zawm tumna pawh ka nei lo. Ka banna chhan chu party high command hnenah pawh chiang takin ka hrilh a ni," a ti.