AP sorkarin Assam nena ramri buaina chinfel tumin bei mek : CM

Arunachal Pradesh chief minister Pema Khandu chuan Assam nena state ramri buaina an neih chu chinfel tumin a kaihhruai sorkar chuan hma a la mek tih a sawi.

Pema Khandu chuan Assam chief minister Himanta Biswa Sarma pawh a biak tawh thu sawiin, ani pawhin inbiakna hmanga an buaina neihte chinfel a remti a ni, a ti.

AP sorkar hian ramri chungchang buaipui tur hian home minister Bamang Felix kaihhruai High Power Committee pawh a lo din tawh a, stakeholder-te pawh ṭum eng emaw zat consultative meeting pawh an lo neihpui tawh a ni.

Chief Minister chuan Committee hian August 26 hian state MLA-te leh Assam nena inri district deputy commissioner-te meeting a neihpui leh dawn tih a sawi.

Khandu chuan Su­preme Court-in a ruat Local Boundary Commission rawtna siam behchhanin ramri chungchanga hmalakna hi an nei tih a sawi bawk. AP leh Assam inrina hi km 730 a thui a ni.