Manipur : Direct transfer hmangin chhawmdawlna sem

Manipur sorkar chuan Covid-19 hri lengin an eizawnna a nghawngte hnena chhawmdawlna pekna tur, Covid Affected Livelihood Support Scheme hnuaiah Inrinni kha direct transfer-in chhawmdawlna a pe chhuak tan.

Chief minister N Biren Singh chuan chhamdawlna pek tur thu hi Manipur Legislative Assembly-ah a lo puang tawh a ni. Chhawmdawlna diltu hi mi 25,000 an awm tawh tih sawiin, heng mite hi Rs 5,000 ṭheuh pek an ni ang. An sum dawn tur hi an bank account-ah direct in thunsak an ni dawn a, thawh hnihin Rs 2,500 ve vein pek an ni ang.

Scheme in a huamte hi street vendor, farmer, daily wage worker, construction site worker, public transport driver, school van driver, shop assistant, artisan, weaver, performing artist, home-based business te an ni.

CM chuan hri leng thawh dang awm leh palh theihah sorkar chu theihtawpa a lo inbuatsaih lawk thu a sawi bawk. Ventilator bed chu eng emaw zat siam belh a ni a, oxygen plant pawh district tinah siam ni tawhin, hri leng thawh khatna thlen ṭum ai khan healh worker pawh an tam belh tawh hle a ni, a ti