Manipur Congress in bill pawm lo turin Governor ngen

Manipur Congress party chuan February 23-a Manipur Legislative Assembly in a pass, Manipur Parliamentary Secre­tary (Appointment, Salary and Allowances and Miscellaneous Provisions) Repealing Bill 2018 chu ram danpui kalh a nih thu sawiin Governor Dr Najma Heptulla chu he bill hi pawmpui lo turin an ngen.

Manipur Congress party aiawh mi 13-te chuan Governor chu a office-ah hmu in he bill hi pawmpui lo turin an ngen a ni.

Congress aiawhte hian memo­randum pawh thehlut nghal­in, Congress MLA Surjakumar Okram leh DD Thaisii-ten he memo­randum-ah hian hming an ziak a ni.

Deputy Chief Minister hlui Gaikhangam chuan Governor an hmuh zawhah hian Bired Singh-a kaihhruai sorkarin Bill an pass chu state chhunga MLA zawng zawng zah lohna a nih thu a sawi.

He bill an pass hi ram danpui kalh nia sawiin Congress party in State Assembly floor-a he bill hian thuneihna a nei lo tih an sawi pawhin BJP lam chuan chhan ngaihna an hre lo niin a sawi bawk.

Gaikhangam chuan eptu pawl lam House aṭanga an chhuak chung pawhin he Bill hi an pawm tho niin a sawi.