Meghalaya-ah 'Early Voter Medals' mi 15, 000 pe

Meghalaya Poll offi­cial-te chuan Thawh­lehni-a state Assembly inthlan neihah khan mi 15, 000 hnenah 'early voter medals' an pek thu an sawi.

Meghalaya assembly seat 60 awmnaah hian seat 59-ah inthlanna neih niin, heng seat 59-ah hian polling station 3025 a awm a, polling station tina vote thlak hmasa mi panga hnenah he medal hi Elecxtion Comission chuan an pe tih Chief Electoral Officer FR Kharkongor chuan a sawi.

Kharkongor chuan medal an pek ṭhenkhat phei hi chu zing dar 6 aṭanga vote thlak tura an intlar tawh thu a sawi bawk.

Meghalya inthlanah hian report ṭhenkhat chuan vote hi 67% a tla niin an tarlang a, Kharkongor chuan Garo Hills-a leh East Jaintya Hills district chhunga hmun kilkhawr zawk te aṭangin report a la luhkim loh avangin vote thlak percent hi a la pun a rin thu a sawi.