Assam CM in Guwahati leh ASEAN direct flight ṭan duh

Assam sorkar chuan sorkar laipuiin Act East Policy a kalpui mekah Guwahati chu a hmunpui ber ni turin hma nasa taka lain Association of Southeast Asian Nations (ASEAN) ramte nena inkalpawhna tur direct flight an duh a sawi.

Assam Chief Minister Sarbananda Sonowal chuan Air Asia MD leh Chief Executive Officer (CEO) ni bawk Amar Abrol hnenah Thawhṭanni khan direct flight thlawh ṭan tir dan ngaihtuah turin a ngen.

Assam CM leh Amar Abrol-te hian Guwahati leh ASEAN ramte inkalpawhna tur direct flight thlawhtir theih dan tur sawi dunin, South East Asia Ope­ration hmunpui atana Guwahati hman a nih dan tur ruahmanna te an sawi dun a ni.

Sonowal chuan Union Ministry of Foreign Affairs-te nen ṭangkawpin ASEAN ramte nena inlaichinna ṭha lehzual neihna tur consulate office Guwahti-a dah an tum thu a sawi.

LGBI Airport Terminal building sak mekah pawh hna chu full swing a kalpui a nih thu sawiin, tun aṭanga hun rei lo teah airport changtlung tak leh passenger-te tan pawha airport nuam tak an neih thuai dawn thu a sawi bawk.

Abrol chuan Sonowal hnenah hian ASEAN ramte mai bakah Guwahati aṭanga Chennai, Hyderabad, Vizag, Bagdogra etc. te kalpawhna tur Air Asia in a ruahmanna te a hmuh ve thung a ni.