Assam-a Pri- vate Security Agency worker-te hlawh ennawn

Assam sorkar chuan Private Security Agency worker-te leh private company hnuaia hna thawk te hlawh bituk minimum wage a ennawn tih a tarlang.

Labour Welfare Department thuchhuah siamah chuan Minimum Wage Advisory Board rawn an nih hnuah private company hnuaia hnathawkte hlawh bituk. minimum wage an ennawn thu an tarlang a ni. Hlawh ennawn a nih hnuah hian security officer minimum wage chu Rs 18,700 niin, supervisor hlawh minimum wage chu Rs 15,600 a ni thung ang. Gunman (armed)-te hlawh tur chu Rs 13,700 niin security guard (Unarmed)-te hlawh minimum wage chu Rs 10,700-a ni thung dawn a ni.

Hlawh minimum wage an bitukah hian accomodation, EPF/ESI-a hnathawk te contribution bakah scheme dang engmah telh a nih loh thu an tarlang bawk.

Minimum wage fix a nih bakah hian hnathawk te hnenah Variable Dearness Allowance (VDA), All India Consumer Price Index for Industrial workers Indec point a san leh a hniam dan a zirin pek an ni bawk tur a nih tiin thuchhuah an siam a ni.

VDA rate hi thla ruk danah chhut ṭhat a ni leh zel dawn tih pawh tarlangin hnathawktu te chu kar khatah ni khat chawlh phalsak an ni dawn bawk a ni. He thupek hi kumin aṭang hian hman ṭan a ni nghal bawk tih an tarlang a, January 1 aṭang khan an hmang ṭan tawh a ni.