Nagaland : Polling booth 13-ah inthlang ṭha

Nagaland Chief Electoral Officer (CEO) Abhijit Singh chuan Ningani khan polling booth 13-ah inthlan ṭhat a nih tur thu a sawi a, heng booth 13-ah hian nimin khan inthlanna an nei a ni.

Zing dar 7 aṭanga tlai dar 3 thleng heng polling booth-te hi hawn niin he chanchin ziah lai hian inthlan dan report kimchang hriat a la ni lo.

Nagaland Assembly inthlan hi February 27 khan neih niin constituency 60 awmah 59-ah inthlanna hi neih a ni a, consti­tuency pakhatah hian NDPP candidate Neiphiu Rio chu chuhpuitu a awm loh avangin vote thlak a ngai lo a ni.

Inthlan neih ṭhatna polling booth-te hi Tamlu, Peren, Kohima Town, Chizami, Phek, Meluri, Tizit, Pungro-Kiphire leh Llongkhim-Chare-te an ni.

Sinha chuan Tamlu consti­tuency bika inthlan ṭhat a ngaih chhan hi Assam police-ten inthlanna an neihna hmun hi ram inchuh lai, Nagaland leh Assam inrina lai tak nia sawia inthlan nia buaina an siam vang niin a sawi. Buaina a chhuah vang hian Election Commisson in helai hmunah hian inthlang ṭha leh tura a hriattir thu a sawi bawk.

Polling station dangah erawh EVM khawl chian loh vang te, electoral photo identity card hman dik loh vang te leh misual ten inthlanna neih lai an tihbuai vang tea inthlanna hi neih ṭhat a nih thu Sinha chuan a sawi.

Nagaland inthlan result hi March 3-ah puan a ni dawn a ni.