Tripura Chief Minister Manik Sarkar a bâng

Term li lai chief ninister nihna lo chelh tawh, Tripura Chief Minister Manik Sarkar chuan Pathianni khan Chief Minister a nihna aṭanga banna chu Governor Tathagata Roy hnenah a thehlut.

Sarkar hian banna hi thehlut mah se Chief Minister thar neih a nih hma chu a hna hi a la chelh chhunzawm dawn thung.

Tripura hian February 18 khan assembly inthlan neiin kar kalta Inrinni khan vote chhiar a ni a, kum 25 lai sorkar tawh Communist Party of India- Marxist (CPI-M) chuan hnehna an chan zawk tak loh avangin Manik Sarkar hian CM a nihna aṭang hian banna a thehlut ta a ni.

Tripura-a inthlanah hian Bharatiya Janata Party (BJP) chuan seat 35-ah hnehna an chan laiin CPI-M hian seat 16-ah chiah hnehna an chang thung.

Tripura assembly-ah hian seat 60 awmin seat 59-ah inthlanna neih a ni a, BJP leh a thurualpui Indigenous People's Front of Tripura (IPFT)-te chuan seat 43 la in IPFT hian seat 8-an la ve bawk.

Tripura Chief Minister thar tur hi ruatfel a la ni lo a, CM atan hian BJP hruaitu Biplap Kumar Dep chu rinkai ber a ni.