NERIST Student's Union-ten Silent March an nei

Hmarchhak state pathumah inthlan boruak buaipuia mipui an rik hut hut laiin Arunachal Pradesh-ah erawh North Eastern Regional Institute of Science and Technology (NERIST) zirlai te chuan director mumal neih ngiatin Inrinni zingah khan ngawi rengin kawng an zawh.

NERIST Student's Union-te huaihawtna hnuaiah 'silent march' hi neih niin zirlai sang chuangin kawng hi an zawh a ni.

Zirlaite hian NERIST gate aṭanga Nirjuli-a Bage Tinali thleng kawng an zawh a, kawr dum ha in thuziak #SaveNERIST tih an keng a, black tape in an ka an char bawk.

Rajiv Gandhi University Stu­dents Union (RGU SU) president Giogi Aja pawhin SUN kawngzawh hi a telpui nghe nghe a, SUN-te hian February 27 aṭang khan kawng hrang hrangin nawrh an lo huaihawt tawh nghe nghe a ni.

NERIST zirlaite hian Ministry of Human Resource Development (MHRD) lakah regular director neih an ngiat a ni.

October 7, 2014 aṭang tawh khan NERIST hian regular directir an nei tawh lo a, khatih hunlaia Director Professor Dipankar Pal ban a nih aṭang khan tun thlengin director mumal an nei leh tawh lo.