'Disturbed Area'-ah Assam puang

Assam sorkar chuan Inrinni khan state chhungah Armed Forces (Special Powers) Act thla ruk chhung atan pawhsei a nih leh thu an tarlang.

Thuchhuah an siamah, Assam Home and Political Depart­ment chuan February 28 aṭangin Assam state pumpui chu 'disturbed area'-a puan a nih thu leh Armed Forces (Special Powers) Act, 1958 hman chhunzawm a nih tur thu an tarlang a ni.

Hetih lai hian kar kalta Ni­ngani khan Union Home Mi­nister Rajnath Singh chuan Assam state chhungah dan leh thupek in hma nasa taka a sawn thu a sawi ve thung.

Jamugurihat-a thu a sawi­naah hian, kum 2014 December khan Assam-ah tharum thawhna in hmun a chang tawh lo tia a lo sawi tawh thu pawh sawi langin, Assam-ah dan leh thupek kenkawhna lamah nasa taka hmasawnna a awm chu lawmawm a tih thu a sawi a, tharum thawhna hun chu a liam tawh a ni, a ti.