Sikkim-ah IAF Dornier Aircraft a ṭum

Sikkim-a thawhtheihna ṭumna hmun siam thar, Pakyong Airport-ah Thawhṭanni khan Indian Air Force thlawhtheihna chu a vawi khat nan a ṭum thu airport official-te chuan an sawi.

IAF thlawhtheihna hi fixed wing 19-seater Dornier 228 niin thlawhna ṭum lai hian buaina engmawh an tawh loh thu leh khawl lamah pawh buaina an tawh loh thu official-te chuan an sawi. Official chuan Sikkim-a aviation connectivity inṭanna a nih thu a sawi bawk. Pakyong Airport hi cheng vaibelchhe 350 senga siam niin, commercial atan pawha hman theih thuai beisei a ni. Chief Secretary A K Srivastava chuan Sikkim tana ni chhinchhiah tlak tak a nih thu sawiin, Pakyong Airport-ah Thawhṭan tlai dar 3.25 khan 19-seater Dornier 288 aircraft chu tluang taka a ṭum thu a sawi.

Srivastava chuan March 10 hian private thlawhtheihna, Civil Aviation Director General bakah official pawimawh tak tak te phurin a ṭum dawn thu a sawi bawk a ni.