AP-ah NSCN-IM mi man

Arunachal Pradesh-a Longding district-ah Pathianni khan Naga hel pawh - National Socialist Council of Nagaland-Isak-Muivah (NSCN-IM) mi pakhat an man thu defence official-te chuan an sawi.

Defence thupuangtu Col Chiranjeet Konwer chuan intelligence lam aṭanga an thudawn bawhzuiin Assam Rifles-te chuan Longding-ah beihpui an thlak thu a sawi a, ruahmanna felfai tak nena beihpui hi thlak a nih thu leh Pujat Wangsu, NSCN-IM corporal inti chu an man thu a sawi a ni.

Konwer chuan an mi man kut aṭang hian pistol leh silai mu bakah pawisa an man tel thu a sawi. Thu an zawhfiah hnuah pawisa hi tualchhung mite kut aṭanga an laksak a nih thu a sawi tih a sawilang tel bawk. Security force-te hian thla liamta chhung khan hel pawl mi leh sa mi eng emaw zat an man tawh niin Konwer chuan a sawi bawk.