Assam sorkarin samak ki a kawl zat enfiah

Assam sorkar chuan treasury hrang hranga samak ki an kawl zat a enfiah mek.

August 18 aṭang khan Morigaon treasury-ah enfiah hna hi thawk ṭan nghalin, 261 an endik tawh a ni. Endik hna hi chief wildlife warden-ina ruat, zonal committee pasarih leh technical panel-in an thawk a ni.

State sorkar chuan dahṭhat tur leh tihchhiat turte a thliar nghal a, 261 enfiah tawh zingah 241 chu tihchhiat tura tih niin, 18 chu dahṭhat a ni thung ang.

Kum 2016 khan samak ki chhiar leh enfiah hna hi thawh a lo ni tawh a, state chhunga treasury 12-a 2,020 an nei a ni. Heng samak ki an kawl zinga a tam zawk hi Kaziranga Park-a samak thi aṭanga an lakte an ni.