Assam : Goalpara detention centre siam zo turin ni 45 hun pe

Guwahati High Court chuan Goalpara detention centre siam zawhna turin Assam sorkar chu ni 45 hun a pe.

Justice Rai Surana chuan sorkarin Matia, Goalpara-a dentention siam mek zawhna atan kar ruk hun pe tura state sorkar ngenna chu ngaihtuahin, centre siam zawhna leh hmun danga awmte sawn luh an nih theihna turin ni 45 hun pek a remti tih a sawi a ni.

State chhunga centre hrang hrangah mi 177 an awm mek thu court pawh hi hriattir a ni a, heng hmuna a tam zawk hian chhuah an nih theihna tura document pawimawhte an nei lo nia sawi a ni bawk.

Advocate general chuan Goalpara detention centre thla khat chhunga zawhfel hman tuma hma lak ni mah se, kar ruk tal hun pe turin a ngen a ni. Zawh fel a nih veleh detention centre danga awm mekte chu he hmunah hian sawn vek an ni dawn tih a sawi.

Ram dang phalna nei loa awm leh, dan loa pem lutte dahna atana detention centre hi hman a ni a, Goalpara-ah hian mi 3,000 awm theihna tur siam mek a ni. Tunah hian state chhunga detention centre-a chengte hi paruk a awm mek a ni.